Saemieskuvleståvroe staaten reeremebyjjesfaamoe Ööhpehtimmiedepartemeenten nuelesne gusnie moenehtsen lïhtsegh Saemiedigkeste veeljesuvvieh. Byjjesfaamoe skuvleåejveste stuvrelge man lea dïedte stillemem radtjoestidh mejtie reerenasse vadteme stuvremen prievesne jïh moenehtsen mieriedimmieh radtjoestidh. Skuvleåejvie kanslijem stuvrie jïh stuvremetjïertem gusnie fïerhten skuvlen rektovrh meatan.
Njoelkedasseprievie jïh buerkiestimmie
Saemieskuvleståvroen stilleme dehtie reerenassen stuvremen prieveste jïh rïjhkebiejjien buerkiestimmeste.
Njoelkedasseprievie
Fïerhten jaepien byjjesfaamoe aktem njoelkedasseprieviem åådtje gusnie ulmide nænnoestamme, guktie bååstede reektehtidh jïh båetije jaapan beetnehvierhtien dåajvoe. Njoelkedasseprievie akte reerenassemieriedimmie.
Buerkiestimmie
”Saemieskuvleståvroen lea dïedte ööhpehtæmman saemieskuvlesne, aarhskuvleklaassesne jïh eejehtshïejmesne skuvleektievoetesne saemieskuvline.”
Byjjesfaamoe edtja sov gïehtelimmine barkedh juktie gaajhkh saemiej maanah seammavyörtegs ööhpehtimmiem åadtjoeh skuvlelaaken (2010:800) mietie, buerie saemien lohkehtimmiem jearsoes byjreskisnie faalehtidh. Byjjesfaamoe edtja barkedh juktie maanah buerie nuepieh åadtjodh åvtenidh jïh lïeredh jïh barkedh saemieskuvlen learohki maahtoeilledahkh bueriedidh.
Byjjesfaamoen aaj jeatjah laavenjassh utnieh daejnie njoelkedassen mietie jallh jeatjah sjïere njoelkedassijste jallh sjïere mieriedimmijste.”
Dam låhka voestes paragraafesne byjjesfaamoen buerkiestimmesne, dïhte tjaatsege mij mijjen gïehtelimmiem stuvrie.
Jeatjah laakh jïh njoelkedassh
Saemieskuvleståvroen gïehtelimmieh aaj jeatjah laakijste stuvresåvva mejtie Rïjhkebiejjie nænnoestamme jallh byjjesfaamoenjoelkedassijste