Sámeskuvlastivra lea stáhtalaš hálddašaneiseváldi Oahpahusdepartemeantta vuollásaš. Sámidiggi vállje lávdegotti áirasiid. Eiseválddi láidesta skuvlahoavda geas lea ovddasvástádus fuolahit gohččumuša man ráđđehus addá eiseváldái muddenreivves ja čađahit lávdegotti mearrádusaid. Skuvlahoavda láide čállingotti barggu ja njunušjoavkku mas oassálastet skuvllaid rektorat.
Muddenreive ja bagadus
Sámeskuvlastivrra gohččumuš lea čadnon ráđđehusa muddenreivii ja riikabeaivvi bagadussii.
Muddenreive
Eiseváldi oažžu jahkásaččat muddenreivve mii čilge lagamus jagi ulbmila, čielggadangáibádusa ja ruđalaš ovdamuniid iežamet doibmii. Muddenreive lea ráđđehusmearrádus.
Bagadus
”Sámeskuvlastivrras lea ovddasvástádus sámiskuvlla oahpahusas ja maiddai ovdaskuvlaluohkás ja astoáiggi ruovttus skuvlaovttadagas sámiskuvllain.
Eiseváldi galgá doaimmastis ovddidit dan ahte gait sámimánát ožžot ovttaárvosaš oahpahusa skuvlalága jelgii (2010:800) mas lea vuogas sámioahpaheapmi dorvvolaš birrasis. Eiseváldi galgá láhčit buriid eavttuid máná ovdáneapmái ja oahppamii ja maiddai buoret máhttobohtosiid sámiskuvlla ohppiide.
Eiseválddis leat maid iežá doaimmat láhkaásahusas dahje iežá sierra njuolggadusain dahje sierra mearrádusain.”
Dán lohká vuosttas paragráfas eiseválddi bagadusas, áššebábir mii stivre doaimmaimet.
Iežá lágat ja njuolggadusat
Sámeskuvlastivrra doaimma stivrejuvvo maid iežá lágain maid Riikabeaivi nanne dahje eiseváldenjuolggadusain.