Sámeskåvllåstivrra la stáhta háldadusfábmudahka Åhpadusdepartemännta vuolen gånnå nammadusá ájrrasa válljiduvvi Sámedikkes. Fábmudahka jådeduvvá skåvllååvugis gänna l åvdåsvásstádus tjadájdit ámmádav mav ráddidus vaddá fábmudahkaj regleringsbreva baktu, ja aj tjadájdit nammadusá märrádusájt. Skåvllååvduk jådet kanslidjav ja njunjosjuohkusav mij sisadná rektåvråjt juohkka skåvlås.
Regleringsbreva ja bagádus
Sámeskåvllåstivrra ámmát joarkká ráddidusá regleringsbrevas ja rijkkabiejve bagádusás.
Regleringsbreva
Juohkka jage oadtju fábmudahka regleringsbrevav mij vaddá ulmmelijt, ruoptodiededimádnomusájt ja ruhta dilev mijá dåjmajda lagámus jage. Regleringsbreva la ráddidusmärrádus.
Bagádus
”Sámeskåvllåstivrra adná åvdåsvásstádusáv åhpas sámeskåvlåjn ja åvddåskåvllåklásajn ja aj asstoájgeviesojn åvtå skåvllååssudagán sámeskåvlåjn.”
Fábmudahka galggá suv dåjma baktu doarjjot gájkka sámij mánájt vaj oadtjot máhttelisvuodav lágásj oahppaj skåvllålága milta (2010:800) buorijn ja dåhkålasj sámeåhpadussisanojn jasska birrusijn. Fábmudahka galggá fállat buorijt máhttelisvuodajt mánáj åvddånibmáj ja oahppaj ja aj lasedit máhtudakbåhtusijt oahppijda sámeskåvlåjn.
Fábmudahka aj adná ietjá ámmádijt ma tjuovvu dán ásadusán jali ietjá sierra njuolgadusájn jali sierra märrádusájn.”
Dat tjuodtju vuostasj paragráffan fábmudagá bagádusán, dat dokumännta stivrri mijá dåjmav.
Ietjá lága ja njuolgadusá
Sámeskåvllåstivra dåjma stivrriduvvi aj ietjá lágajs ma mierreduvvi Rijkkabiejves jali fábmudaknjuolgadusájs.