Sámeskuvlastivrra oainnáhus
Sámi kulturárbi, sámi historjá ja sámigielamet leat vuođđun min ovdaskuvllain, ovdaskuvlaluohkáin, skuvllain ja astoáiggeruovttuin.Oahpahus galgá movttiidahttit ja boktit hálu oahppamii. Mánát ja oahppit geat leat gazzan oahpu min luhtte galget eallimisttis dovdat dorvvolaš- ja čeavláivuođa kulturárbbis ja gielas. Galgat nannet sámi iešdovddu go ovddidit sámigielaid, kultuvrra ja árbevirolašmáhtu. Mis lea sámi vuolggasadji ja sámi árvvoštallamat go bargat oahppoplánain ja iežá stivrendokumeanttaiguin.